Эдэр талааннары арыйар «СулуСтар» өрөспүүбүлүкэтээҕи вокальнай күрэс «Муус устар» ыччат бэстибээлин иитинэн Ю. Е. Платонов аатынан Судаарыстыбаннай эстрада тыйаатырын базатыгар быйыл төрдүс төгүлүн ыытыллар.
Саха сирин улуустарыгар сүүмэрдиир түһүмэҕэ түмүктэннэ. Онон, 15 эдэр толорооччу күрэс финалыгар тахсар иһин илин былдьаһыахтара. Биэс финалист аата олунньу 10 күнүгэр биллиэҕэ.
Гран-при кыайыылааҕа 115 000 солкуобайы, оттон «Көрөөччү биһирэбилэ» аат кыайыылааҕа 57 500 солкуобайы тутуоҕа. Маны сэргэ, Гран-при кыайыылааҕын бэлэмнээбит уһуйааччыга эмиэ 57 500 солкуобайы туттарыахтара.
Полуфиналга киирдилэр: Линда Захарова (Мэҥэ-Хаҥалас), Анна Давыдова (Ньурба), Василий Николаев (Бүлүү), Иван Дьяконов (Горнай), Яна Забелина (Ленскэй), Аман Винокуров (Чурапчы), Татьяна Томская (Булун), Аина Михайлова (Кэбээйи), Виолетта Абдурафикова (Өлүөхүмэ), Егор Агарков (Мииринэй), Сайнаара Жмурова (Нам), Анна Стуканева (Алдан), Николай Нестерев (Амма), Петр Пестерев (Хаҥалас) уонна Алан Гондолаев (Дьааҥы).
Сонун төрдө: «Муус устар» бэстибээл пресс-киинэ
