Үлэ сылын үөрүүлээхтик сабыы чэрчитинэн, тохсунньу 24 күнүгэр Ю. А. Гагарин аатынан Култуура уонна аныгы ускуустуба киинигэр Үлэ сылын бастыҥнык тэрийэн ыытыыга өрөспүүбүлүкэтээҕи күрэс түмүктэрин таһаардылар. Күрэс ааспыт сыл устата муниципальнай оройуоннар, куорат уокуруктарын уонна тэрилтэлэр ортолоругар ыытылынна.
Кыайыылаахтары быһаарыы кыттааччылар сырдатар-иһитиннэрэр үлэни, уһуйуу үгэһин сайыннарар, үтүө уопуту тарҕатар уонна айар кыаҕы көрдөрөр тэрээһиннэри хайдах ыыппыттарынан көрөн таллылар.
Муниципальнай оройуоннарга, куорат уокуруктарыгар кыайыылаах буоллулар:
I миэстэ – Мииринэй оройуона, баһылык – Басыров Александр Валинурович;
II миэстэ - Алдан оройуона, баһылык – Шестопалов Александр Викторович;
III миэстэ – Амма улууһа, баһылык – Кузьмин Степан Николаевич.
Тэрилтэлэр ортолоругар кыайыылаах буоллулар:
I миэстэ – Дьокуускайдааҕы офтальмология клиническэй балыыһата, кыл. быраас – Луцкан Иван Петрович;
II миэстэ - М.Е. Николаев аатынан Национальнай мэдиссиинэ киинэ, ген. дириэктэр – Жирков Станислав Николаевич;
III миэстэ – Дьокуускайдааҕы хлебокомбинат, генеральнай дириэктэр - Кынакытова Светлана Тарасовна.
Оттон сыл түмүгүнэн СӨ нэһилиэнньэ дьарыктаах буолуутун эйгэтигэр үлэнэн хааччыйар бастыҥ тэрилтэнэн буоллулар: «Саха сирин тимир суоллара» аахсыйалаах хампаанньа, генеральнай дириэктэр Шимохин Василий Владимирович; Тааттатааҕы киин балыыһа, кыл. быраас Кононова Сардаана Владимировна; «Теплоэнергия» аахсыйалаах уопсастыба, ген. дириэктэр Воробьёв Михаил Сергеевич; Автономиялаах кэмиэрчэскэйэ суох «Алмазик» оскуола иннинээҕи үөрэх тэрилтэтэ, толорооччу дириэктэр Мироненко Александр Васильевич.
Сонун төрдө: СӨ Үлэ уонна социальнай сайдыы министиэристибэтэ
