Олунньу 15 күнүгэр «Арассыыйа – мин устуоруйам» пааркаҕа Аҕа дойду тас өттүгэр ытык иэстэрин толорбут биир дойдулаахтарбытын кэриэстиир тэрээһин ыытылынна. Бу күн паарка экскурсияны тэрийэр уонна сырдатар үлэни ыытар салаатын сэбиэдиссэйэ Виктор Борисов АГАТУ устудьуоннарыгар Афганистан сэриитин уонна дьоруойдарын туһунан кэпсээтэ.
«Экчи 35 сыл анараа өттүгэр, ол эбэтэр 1989 сыл олунньу 15 күнүгэр, сэбиэскэй байыастары Афганистантан таһаарыы түмүктэммитэ. Ол сэрииттэн 14 тыһыынчаттан тахса сэбиэскэй саллаат уонна аппыһыар эргиллибэтэҕэ. Кинилэри кэриэстээн бу бэлиэ күн олохтоммута», – диэн кини быһаарда.
Паарка дириэктэрэ Дмитрий Соловьев ыччат Арассыыйа интэриэһин дойду тас өттүгэр көмүскээбит дьоруойдары билиэхтээҕин, онно маннык лиэксийэлэр олус туһалаахтарын тоһоҕолоон эттэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
