Ааспыт сыл муус устар 24 күнүгэр Анкудинка өрүскэ СӨ ОДьКХ ГУП Орто Халыматааҕы филиалын хочуолунайыттан ньиэп бородууктата тохтубута. Филиал салайааччытыгар – сүрүн инженергэ сири киртитии уонна уу эбийиэгин харыстыыр быраабыланы кэһии иһин административнай дьыала тэриллибитэ.
Ол түмүгүнэн сүрүн инженери 60 тыһыынчаҕа ыстарааптаатылар. Маны таһынан, борокуруор туруорсуутунан Арктикатааҕы биир мандаттаах уокуруктан Ил Түмэн дьокутаата Виталий Чикачев салайааччылаах СӨ ОДьКХ ГУП 7,6 мөлүйүөн солкуобай кээмэйдээх хоромньуну төлөтүөхтэрэ.
Санатар буоллахха, кини дьокутаатынан былырыын күһүн талыллыбыта. Мантан сиэттэрэн, ыйытыы үөскүүр. Арктикаҕа туһаны аҕалар оннугар хоромньуга тиэрдибит салайааччы салгыы дьокутаат аатын сүгэрэ төһө сөптөөҕүй?
Сонун төрдө: CӨ Борокуратууратын пресс-сулууспата
