Сунтаар улууһун киинигэр бырабыыталыстыба түмүк отчуота буолан ааста. Вице-премьер Георгий Степанов салайааччылаах үлэлиир бөлөх үс аҥыы арахсан 26 нэһилиэнньэлээх пуун олохтоохторун кытта көрүстэ.
Билигин Сунтаар сэлиэнньэтин Хомустаах түөлбэтигэр «Үөрэҕирии» национальнай бырайыагынан 450 миэстэлээх лиссиэй тутулла турар. Өссө олохтоохтохтор улуус киинигэр оскуола-уһуйаан тутуутун туруорсаллар. «Туллукчаан» уһуйаан үлэтэ былырыын өрөспүүбүлүкэҕэ бастыҥ үлэлээҕинэн биллибитэ. Онуоха, 1961 сыллаахха тутуллубут уһуйаан дьиэтэ эргэрбитэ биллэр.
Ону таһынан, олохтоохтор балыыһа комплексын салгыы тутууну туруорсаллар. Билигин эбийиэк бырайыагын-симиэтэтин докумуоннарын бэлэмниир үлэ бара турар. РФ Доруобуйа харыстабылын министиэристибэтигэр федеральнай тосхолго киллэрэргэ сайаапка ыытыллыбыта. Былырыын Уһун-Күөлгэ амбулатория, Хадаҥҥа фельдшер-акушер пууна үлэҕэ киирбиттэрэ. 2024 сылга Элгээйигэ саҥа балыыһа аһыллыаҕа.
Санатар буоллахха, кэнники 5 сыл иһигэр «Доруобуйа харыстабыла» национальнай бырайыак иитинэн өрөспүүбүлүкэҕэ 80 тахса амбулатория уонна фельдшер-акушер пууна тутулунна.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Игорь Платонов
