Бүгүҥҥэттэн QR-куоттаах COVID-сэртипикээти хааннарыгар «антителалаах» дьон ылыахтарын сөп буолла. Онон, туох даҕаны сибикитэ суох ыалдьан ааспыт дьон, бэйэлэрин бэрэбиэркэлэнэн, саҥа хоруона вируһун утарар эттиктээх буоллулар даҕаны, сыл аҥаарын устата болдьохтоох ону туоһулуур суруктары ылыахтарын сөп. Бу туһунан "Российская газета" сырдатар.
Оттон, COVID-19 ыалдьан ааспыт дьон, өскөтүн ону туоһулуур докумуоннара Госуслуги саайка чопчу баар буоллаҕына, биир сыл болдьохтоох сэртипикээти ылаллар.
Доруобуйа харыстабылын министиэристибэтэ этэринэн, «Антителалаах» дьоҥҥо туоһу сурук биирдэ эрэ бэриллэр эбит. Иккистээн бэрэбиэркэлэнэн, анаалыс туттаран баран ылыы, көҥүллэммэт. Бу туоһу сурук болдьоҕо бүттэҕинэ, киһи булгуччу быһыыны ылыахтаах.
«Антителаны» быһаарар сэртипикээти ылар туһуттан, анаалыһы ханнык баҕарар лиссиэнсийэлээх лабаратыарыйаҕа туттарыахха сөп. Маныаха, хааҥҥа утары охсуһар эттик ахсаана төһө баара аахсыллыбат эбит.
