Саха сирин Черскэйигэр буолуохтаах күрэхтэһиигэ, араас дойдуттан 150 тахса табаһыт кыттыыны ылыаҕа. Эһиил манна, муус устар ыйга, Норуоттар икки ардыларынааҕы табаны иитээччилэр чөмпүйэнээттэрэ буолуоҕа. Маннык күрэх Арассыыйаҕа маҥнайгытын ыытыллыаҕа.
,«Биһиги өрөспүүбүлүкэбитигэр табаны иитиини өйөөһүҥҥэ, племеннэй үлэҕэ, таба мэччирэҥин экология нөҥүө харыстааһыҥҥа, хотугу аҕыйах ахсааннаах омуктар үгэстэрин харыстааһыҥҥа уонна кинилэри үлэнэн хааччыйыыга улахан болҕомто ууруллар. Саха сиригэр маннык көҕүлээһиннэр өйөбүллээх буолуулара суолталаах. Онон, Черскэйгэ буолуохтаах табаһыттар күрэхтэрэ Арассыыйа бэрэссэдээтэллээх Арктикатааҕы сэбиэт тэрээһиннэрин бырагырааматыгар киирдэ», - диэн Ил Дархан Айсен Николаев этэр.
Саха Өрөспүүбүлүкэтин Арктика сайдыытын уонна Хоту дойду норуоттарын дьыалаларын министиэристибэтигэр этэллэринэн, Арктикатааҕы сэбиэт дойдуларыттан, Китайтан уонна Монголияттан хамаандалар кыттыыны ылыах курдуктар. Саха сиригэр номнуо олохтоох табаһыттар хаһаайыстыбаларыттан сайаапкалар хомуллан эрэллэр, маны таһынан, Арассыыйа 8 эрэгийиэнэ бэлэмин туһунан иһитиннэрдэ.
