УФСИН пресс-сулууспата иһитиннэрбитинэн, Аан дойдутааҕы тыйаатыр күнүгэр буруйу боруостуур 1№-дээх холуонньа олохтоохторо А.С.Пушкин аатынан Нуучча тыйаатырыгар сылдьыбыттар. Кинилэри холуонньа салайааччытын солбуйааччы Александр Грязнов арыаллаабыт.
Тыйаатыр салалтата холуонньаҕа И.А. Гончаров сэһэнинэн «Обломов», И.А. Бунин, О. Генри и А.И. Куприн кэпсээннэринэн «Весна души», М. Ладо пьесатынан «Очень простая история» диэн бэртээхэй туруорууларга билиэттэри босхо биэрбитэ, оттон холуонньа салалтата ону өйөөбүтэ хайҕаллаах дьыала.
Холуонньаҕа олохтоохторо тыйаатырга хаһан да сылдьа илик эбиттэр. Онон кинилэргэ бу күн олус суолталаах буолбут. Биллэн турар, култуура уонна ускуустуба эйгэтэ хайа баҕарар киһиэхэ үчүгэйдик дьайар. Оттон тыйаатыр туруоруута хайаан да элбэҕи толкуйдатар.
