Саха АССР төрүттэммитэ 100 сылыгар аналлаах "Поле чудес" тэлэбиидэнньэ биэриитигэр өрөспүүбүлүкэбит араас оройуонуттан, Дьокуускайтан, Мииринэйтэн, Покрвоскайтан уонна хотугу улуустартан 9 киһи кытынна. Быыстарыгар араас идэлээх, туһунан хайысхаҕа интэриэстээх дьон баар буолан биэрдилэр, ол курдук, оптуобус суоппара, баахта үлэһитэ, саха тылын учуутала, бэтэринээр, хомусчуттар кыттыыны ыллылар.
Көрөөччүлэр быыстарыгар аатырбыт виртуоз-хомусчут Спиридон Шишигин, урбаанньыт Нюргуяна Заморщикова, Кэйт Фонбуньярак уо. д. а. бааллар эбит.
Виртуоз-хомусчут, «Аан дойду виртуоз-хомусчута» Норуоттар икки ардыларынааҕы күрэх III посола Спиридон Шишигин наһаа үчүгэйдик хомуска оонньоон дьону сөхтөрбүт.
Кини хомуска оонньуурун кэмигэр Томпо оройуонун «Маранга» кэллэктиип үҥкүүлээн доҕуһуолаата. Виртуоз-хомусчут М.К. Аммосов аатынан ХИФУ, «Көмүлүөк», «Сахачай», «Ректайм» хампаанньаллар, Покровскай куорат орто оскуолатын ааттарыттан «Поле чудес» биэрии ыытааччытыгар Леонид Якубовичка бэлэхтэри туттартаата. Маны таһынан, Хомус Кииниттэн уонна Түмэлиттэн саха хомуһун, баргааннай үнүстүрүмүөннэр аан дойдутааҕы каталогтарын кэһии гынан уунна.
Сахалар кыттыылаах «Поле чудес» тэлэбиидэнньэ биэриитэ Бастакы ханаалга, ыам ыйын 13 күнүгэр көстүөҕэ.
Сонун бассаап ситимин бөлөхтөрүттэн ылылынна
