Киирии

Киирии

Киин куорат 7-с №-дээх оскуолатын 6 үөрэнээччитэ ыараханнык дьайар эми сиэн сүһүрдүлэр. Куорат үөрэҕин управлениетын иитэр үлэҕэ отделын начаалынньыга Егор Охлопков этэринэн, 9-с кылаас үөрэнээччилэрэ депрессияны, долгуйууну утары эмп дии санаан сиэбиттэр. Билиҥҥитэ бу быһылааны сиһилии бэрэбиэркэлииллэр.

Быһылаан муус устар 8 күнүгэр буолбут. Таблетканы 9-с кылаас 6 үөрэнээччитэ испит. Сарсыныгар кинилэр сүһүрүү симптомнаах балыыһаҕа киирбиттэр. Оҕолору куорат мэдэссиинэ киинигэр суһаллык киллэрбиттэр.

“Билиҥҥитэ оҕолор барыллаан эксээмэни туттараллар. Баҕар онтон долгуйан, биир кыыс кылааһынньыктарыгар депрессияны, долгутууну утарар эмп диэн үллэстибит буолуон сөп диэн сабаҕалыыбыт. Билигин оҕолор доруобуйалара этэҥҥэ, балыыһаттан тахсыбыттара”, - диир Охлопков.

Управление бу быһылаан кэннэ бэрэбиэркэни ыытар. Тута оскуола салалтатын, төрөппүттэрин, ПДН иниспиэктэрдэрин кытары суһал мунньах ыыппыттар.

“Бу таблетка аптекаҕа эмчит эрэ ырысыабынан атыыланар. Оттон бу түгэҥҥэ маннык таблетка оҕо хараҕын далыгар сыппыт. Кини ону уоскутар эмп дии санаабыт. Биһиги бары оскуолаларга профилактическай тэрээһиннэри ыыттыбыт”, - диир Охлопков.

Маны таһынан, билигин Силиэстийэлиир управление быһылаан чахчытынан бэрэбиэркэни ыытар. Силиэдэбэтэллэр дуоһунастаах дьон уонна профилактика уорганнарыгар сөптөөх сыанабылы биэриэхтэрэ.

Тарҕат:

Комментарии

Защитный код Обновить