Киирии

Киирии

Кулун тутар 29 күнүгэр, сарсыарда 11 чаастан “Кыым” хаһыат “Ситим” медиа-бөлөх сомоҕо таһаарыыларын суруппут дьон ортотугар ыытар сүүйүүлээх сурутуубут оонньотуута буолла. Урукку өттүгэр тыраахтар-массыына, пилорама курдук биир сүрүн бириис оонньонор эбит буоллаҕына, кэлиҥҥи кэмнэргэ ааҕааччылар туруорсууларын учуоттаан, ботуччу сыаналаах хас да бирииһи оонньотор үгэстэннибит. Ол эбэтэр, бириис пуондатын төһө да үп ытарчата ыгар кэмэ буолтун иһин, оннунан илдьэ сылдьабыт.

Ол курдук, быйыл “Ситим” медиа-бөлөх тэриллибитэ 15 сылыгар сыһыаран, үс – 30 тыһ. солк. 12 – 10-15 тыһыынча солкуобайдаах, уопсайа 15 сэртипикээт оонньонно.

IMG 0691 Copy

IMG 0688 Copy

IMG 0685 Copy

“Киинстрой” тутуу тэрилтэтин 30 тыһ. сэртипикээтин ылар чиэс Амма Сулҕаччытыттан – Сулгачана Алексеевна Крюковаҕа, Үөһээ Дьааҥы Томторуттан – Спиридон Спиридонович Новгородовка уонна Бүлүү Үгүлээтиттэн – Марианна Гаврильевна Прокопьеваҕа тигистэ.

IMG 0725 Copy

IMG 0684 Copy

Салгыы ханнык бааттаах ааҕааччыларбыт туох бириискэ-сэртипикээккэ тиксибиттэрин билсиэҕиҥ:

“Большой” миэбэл солуонуттан – Горнай Өрт сэлиэнньэтиттэн В.И. Степанов.

“Байанай Центр” сэртипикээтин – Мииринэй Сардаҥатыттан Н.В. Михайлова.

“Байанай Центр” сэртипикээтин – Горнай Ааһыматыттан В.Н. Павлов.

“Саха Булт” маҕаһыыныттан – Амма Бөтүҥүттэн А.В. Тихонова.

 “Евролайн” тутуу матырыйаалын маҕаһыыныттан – Үөһээ Бүлүү Боотулуутуттан М.И. Николаева.

“Золотник” ювелирнай оҥоһук маҕаһыыныттан -- Өлүөхүмэ Кыыллааҕыттан И.И. Грязнухин

“Все 32” стоматологияттан – Амматтан Т.И. Терентьева.

“Лээги” маҕаһыынтан – Таатта Харбалааҕыттан Я.Я. Аввакумов.

“Хикари” туристатар фирматтан – Таатта Даайа Амматыттан В.С. Эляков.

“Фэнтези” ательеттан – Хаҥалас Өктөмүттэн О.В. Колесова.

“Көмүлүөк” маҕаһыынтан – Горнай Өрт сэлиэнньэтиттэн М.А. Пахомова.

“Все 32” стоматологияттан – Амма Эмиһиттэн В.В. Устинова.

IMG 0692 Copy

IMG 0705 Copy

IMG 0762 Copy

Оонньуу хаамыыта сиэрдээхтик барыытын Арассыыйа Почтатын Саха сиринээҕи салаатын сурутууга салаатын сүрүннүүр исписэлииһэ Мотрена Павлова, саха иһитин оҥорон атыылыыр “Көмүлүөк” хампаанньа маркетолога Алеся Сосина уонна “Байанай” ХЭУо дириэктэрин солбуйааччы Степан Готовцев састааптаах анал хамыыһыйа көрдө. Тэрээһини ыытааччы Татьяна Захарова-Лоһуураҕа билиэттэри таһааран көмөлөстүлэр: Национальнай гимназия 4 “а” кылааһын үөрэнээччилэрэ Ньургун Христофоров, Никита Антонов уонна “Сэргэлээх” оскуола-лаборатория 2-с “г” кылааһын үөрэнээччитэ Петя Антонов.

IMG 0739 Copy

IMG 0757 Copy

Бааттаах ааҕааччыларбытын ис сүрэхтэн истиҥник эҕэрдэлиибит! Бириистэргитин “Кыым” эрэдээксийэтиттэн эрдэттэн 8-4122-42-24-08 нүөмэргэ эрийэн билсэн баран, муус устар 3 күнүгэр ыларгытыгар ыҥырабыт.

Тарҕат:

Комментарии

Защитный код Обновить