Войти

Войти

Бу туһунан мин, суруйдум ини суруйбатым ини.


Кириэстээх аннынан өрүһү туоруур күргэ баара буоллар, Сунтаартан Мииринэйгэ диэри дьон сулбуччу, сыыдамнык айанныа этилэр.Дьиҥинэн, "Росавтодор" курдук модун кыахтаах тэрилтэҕэ "А331 Бүлүү" федеральнай суолугар баар үрэхтэргэ, өрүстэргэ муосталары тутуу барыла баарынан да сэдиптээн, "сыарҕа сыҥааҕа хоҥнуон сөп". Бүлүү Эбэ Хотун Кириэстээх аннынан киэҥэ суох. 600 миэтэрэҕэ тиийбэт. Билиҥҥи күүстээх тиэхиникэ баарыгар, "Росавтодор" манна күргэни тааҕы тутуон сөп.

20200929 150411
Дьэ арай, олохтоох дьон туруорсуута, соччо көҕө-нэмэ суох.Алмаастаах хампаанньа саамай муҥутуур кыахтаах кэмигэр көмөлөһүннэриэххэ баара.Алмаас эспэдииссийэтэ Кириэстээххэ тэриллибитигэр олохтоохтор балысхан көмөлөрүн иһин, барҕа махтал кэрэһитэ буолуо этэ.Билигин хас-да ньиэп-гаас хампаанньата Сунтаар сирин уһаты-туора кэрийэллэр, тайҕаны, күөллэри чинчийэллэр.Кинилэр тиэхиньикэлэрэ олус элбэхтик поруомунан Бүлүүнү туоруур.Тиэхиньикэлэрэ улахана сүрдээх буолан, поруому бүтүннүүтүн күөнтээн, кыра массыыналар кытылга хаалан, өр баҕайы уочараттарын күүтэн олороохтууллар. Кыһын, муус тоҥмокко, саас халаан кэмигэр – уһун унньуктаах, хаайтарыы эрэйэ.

IMG 20200929 WA0004
Кириэстээхтэр, Бүлүү өрүс уҥуор, Сэрии Киирбит, Түбэ диэн маанылаах, өҥ хочолоох, байылыат сирдэригэр ынах, сылгы мэччийиэ, дьон оттуо да  этэ. Салгыы Моомура, Начын, Даҕанда, Сантай үрэхтэрин тыа хаһаайыстыбатын сайдыытыгар табыгастаах база оҥортолуо этилэр. Кириэстээхтэр өрүс уҥуор сытар күөллэргэ соболууллар, ойуурдарыгар тутуу маһа кэрдэллэр. Сир аһа бу диэки эрэ дэлэй. Онон муоста булгуччу наада. Манна баай нефтяниктары уонна газовиктары эмиэ кытыннарыахха наада. 2007-2008 сыллардаахха Чернышевскайга Бүлүү ГЭС быһытын кэккэлэһэ, 380 миэтэрэ усталаах муоста тутуллан турар. Ол күргэнэн  массыыналар Айхалга, Удачнайга, Үөһээ Муунаҕа тиийэ айанныыллар. Кириэстээх аннынан өрүс сонтон эрэ арыый киэҥ. Итинэн сиэттэрэн, Сунтаар улууһун салалтатын, уопсастыбаннаһын, Кириэстээххэ Бүлүү өрүһү туоруур күргэни тутууну туруорсарыгар ыҥырабын.

Станислав Алексеев. Мииринэй куората. Ааптар хаартыската.

Тарҕат:

Комментарии

Latasha
0 Latasha 07.10.2020 13:07
Excellent post. I was checking continuously this blog and I am impressed!
Very useful information particularly the last part :
) I care for such information a lot. I was seeking this certain info
for a very long time. Thank you and best of luck.

my web-site :: Joker123: http://www.nexiasvivo.com/slot-online-permainan-terkemuka-di-situs-joker123/
Ответить

Добавить комментарий

Бүтэһик сонуннар