Бүгүн, бэс ыйын 19 күнүгэр, СӨ Үрдүкү суутугар Нигерия гражданката Эндрю А.Р. апелляцияҕа биэрбитин көрдүлэр.
Бу дьахтары ыам ыйын 30 күнүгэр Дьокуускай куораттааҕы суут РФ КоАП 18.8 ыст. 1.1 ч. административнай эппиэккэ тардыллыбыт. Ол эбэтэр, кини миграционнай бэрээдэги кэспит. Ол иһин, куораттааҕы суут 2000 солк. административнай ыстырааптаммыт уонна Арассыыйа территориятыттан утаарылларыгар уураахтаммыт. Ону кытары сөпсөспөккө, Эндрю албакаата Үрдүкү суукка ааһыммыт.
Радмила Сюн-Цин-Фан, СӨ Үрдүкү суутун бэрэссэдээтэлин СМИни уонна уопсастыбаннаһы кытары көмөлөһөөччүтэ:
-- Сууттанааччыны көмүскүүр өрүт куораттааҕы суут бириигэбэрин кытары сөбүлэспэккэ Үрдүкү суукка ааһыммыттар. Кинилэр ыстыраабы эрэ оннунан хаалларарга көрдөспүттэр. Тоҕо диэтэххэ, Нигерия гражданката Арассыыйа гражданина кэргэннээх. Онон кинини дойдуттан утаараллара сөбө суох диэн этиннилэр. Онуоха Үрдүкү суут дойду Төрүт сокуонугар сигэнэн, сууттанааччыны дойдуттан таһааралларын утарда, онтон ыстыраабын оннунан хаалларда.
