“Якутия” авиахампаанньа саҥа Boeing 737-700 NG сөмөлүөтү атыыласта. Бу туһунан хампаанньа пресс-сулууспата иһитиннэрэр.
“Саҥа сөмөлүөтү операионнай лиизин схематынан ыллыбыт. Бу сөмөлүөт 2020 сылга диэри “Дьокуускай” аэропорт көтөр балаһата өрөмүөннэнэр кэмигэр туһалаах буолуо диэн ылылынна. Санатар буоллахха, Дьокуускай куорат аэропордун көтөр балаһата 1623 м диэри кылгыахтаах”, — диэн пресс-сулууспа кэпсиир.
Авиахампаанньаҕа эппиттэринэн, саҥа сөмөлүөт туох-баар туһааннаах бэрэбиэркэни уонна тэхэньиичэскэй көрүүнү ааспыт. Билигин Росавиация туоһу сурук биэрэрин күүтэллэр. “Росавиация туоһу суругун биэрдэ да, сөмөлүөт көппүтүнэн барыаҕа. Сотору кэминэн бастакы эриэйсэлэрин оҥоруо диэн эрэнэбит”, — дииллэр.
