Антуан де Сент-Экзюпери “Маленький принц” айымньытын Елена Слепцова-Куорсуннаах “Кыра Тыгын” диэн сахалыы тылбаастаан таһаарда.
Бастаан “Харысхал” аһымал пуонда иһинэн оҕо инклюзивнай тыйаатырыгар испэктээкил сценарийа суруллубута. Ол кэнниттэн “Чолбон” сурунаалга тахсыбыта. Уонна бу соторутааҕыта кинигэ буолан күн сирин көрдө.
Бу бырайыак биллиилээх коллекционер, Экзюпери айымньытын тарҕатааччы Жан-Марк Пробста уонна доктор, Лозаннаҕа (Швейцария) Арассыыйа бочуоттаах консула Фредерик Паулсен көмөлөрүнэн олоххо киирдэ.
“Мин бэйэм үлэлэрбинэн дуоһуйуум ахсааннаах буолуохтаах. Бу сырыыга үлэ түмүгүн олус астынным. Сэһэни дьон сөбүлүө диэммин эрэнэбин”, – диэн ааптар санаатын үллэстэр.
Кинигэҕэ Экзюпери биллэр уруһуйдара киирдилэр. Жан-Марк Пробста биир сүрүн усулуобуйатынан, бырайыагы үбүлээһин, кинигэни босхо тарҕатыы уонна оҕолорго, библиотекаларга бэлэхтээһин буолар.
“Харысхал” пуондаҕа 200 устуука кинигэ бэрилиннэ. Бэҕэһээ суруйааччы Дьокуускай куорат 20-с №-дээх оскуолатын оҕолорун кытта көрүстэ. Оскуола библиотекатыгар саҥа кинигэни бэлэхтээтэ.
“Кыра Тыгын” кинигэ тираһа 2000 экгемпляр.
