Авиабилиэт сыаната ортотунан 17500 солк тиийэр. “АЛРОСА-Авиа” Дьокуускайдыыр эриэйси оҥорор. Мииринэйтэн Иркутскайга диэри 55, 60 саастаах биэнсийэлээхтэр 2800 солк эрэ төлүүллэр.
Новосибирскайга диэри салгын суолун төлөбүрэ субсидиялаах буолан, кимиэхэ баҕарар 5500 солк. Ленскэйтэн Дьокуускайга диэри “Якутия” уонна “ИрАэро” авиахампаанньалар сыаналара, Мииринэйдээҕэр тоҕо эрэ чэпчэки. Ленскэйтэн Дьокуускайга диэри Иркутскай хампаанньата “ИрАэро” 7000 солк тиэрдэр. Мииринэй олохтоохторо Ленскэй куоратыгар таксыынан тиийэллэр. Дьокуускайдыахпыт этэ диэн 240 биэрэстэ ыраах сиргэ айанныыллар. Сөмөлүөтүнэн көтүү ыараханын сөбүлэспэккэ, дьон биэс сылга биирдэ мөҕүтүннэҕинэ, мунньахтарга Мииринэй авиатордара ончу көлбөрүтүнэн кэбиһээччилэр. Бэл, Өрөспүүбүлүкэ таһымнаах чунуобунньуктар, эппиэттэрэ халбархай буолааччы: “Авиаперевозчик хаһаайын, кини эппитэ быраап” диэн буолар. Оттон, ааҕыныстыба кассаларын үлэhиттэрэ туомугар быһаара сатыыллар. “Дьокуускайдыыр авибилиэт 15-тэн 19 тыһ тиийэ сыаналаах, бэл оннооҕор Удачнайга 13 тыһ солк” – диэн этэллэр. Урут ааҕыныстыбаттан ыйыттахха сүгүн эппиэттээбэккэ, куруубайдыыр буолаллара, төлөпүөнү ылааччылара суох. Билигин хаҕыс сыһыан арыый аҕай “мүлүрүйбүт”.
Станислав Алексеев, Мииринэй куората.
