Дьокуускайга саҥа тутулла турар кардиологическэй диспансер 2021 сыл бүтүүтэ үлэҕэ киириэҕэ. Оттон саҥа онкокиин – 2023 сыл үһүс кыбаарталыгар. Бу туһунан доруобуйа харыстабылын миниистирэ Елена Борисова социальнай ситимнэргэ быһа эфир кэмигэр эттэ.
-- Билигин Саха сригэр икки улахан доруобуйа харыстабылын эбийиэгэ тутуллар – кардиодиспансер уонна онкодиспансер. Бу тутуулар 80 бырыһыаннара федеральнай үпкэ тутуллар. Билигин тутуу график быһыытынан барар, инньэ гынан, 2021 сыд төрдүс кыбаарталыгар кардидиспансеры үлэҕэ киллэриэхтээхпит, оттон онкодиспансеры – 2023 сыл үһүс кыбаарталыгар. Быйыл өрөспүүбүлүкэҕэ 18 ФАП тутуллан үлэҕэ киириэхтээх. Маны таһынан Дьааҥы улууһугар саҥа балыыһа үлэҕэ киириэхтээх. Нерюнгрига өрөмүөҥҥэ олус улахан үлэ ыытыллар. Мииринэйгэ аан бастакытын көмпүүтэр томограба (КТ) кэлбит. КТ коронавируһу буларга эмиэ туһаныллар. Нерюнгрига МРТ уонна ангиограф кэлбит.
