Хабаровскай куоракка олохтоох бириэмэнэн сарсыарда 11:30 ч. Антеннай уонна Хирургическай уулусса быһа охсуутугар баар хонууга бөртөлүөт суулунна.
Барыллаан ааҕыынан, бөртөлүөккэ баар алта киһи бары суорума суолламмыттар. Быһылаан тахсыбыт сиригэр Силиэстийэлиир кэмитиэт, быыһыыр сулууспа уорганнара, уопсайа 219 киһи үлэлиир. Холуобунай дьыала көбүтүллүбүт. МИ-8 икки “хара дьааһыга” булуллан силиэдэбэтэллэргэ бэриллибит. Билигин Хабаровскайга туманнаах, сөҥүү түһэр, таһырдьа 4 кыраадыс сылаас, сөкүүндэҕэ 12 м түргэннээх тыаллаах.
