Индия Андхра-Прадеш диэн штатыгар аны саҥа туга биллибэт ыарыыттан 848 киһи ыарыйда.
Ыарыһахтар тартаран, уҥан, төбөлөрө хайа бара сыһан, титирэстээн бу субуотаҕа киирбиттэрэ. Кинилэри анаалыстаан көрбүттэрэ короавирус буолбатаҕа биллибит. Мэйиилэрин, силиилэрин чинчийэн көрбүттэр да, ыарыы биричиинэтин быһаарбатахтар. Уопсайынан, туох-ханнык ыарыы буолара биллибэккэ, быраастар сапсынан эрэ кэбиһэллэр эбит. Сорох эспиэрдэр "индустар кирдээх, сүлүһүннээх ууну иһэннэр сүһүрбүттэрэ буолуо" дииллэр эбит да, ыарыһахтар ортолоругар минеральнай ууну эрэ иһэр дьон эмиэ баар эбит.
