Жатай бөһүөлэгэр икки биллибэт дьон сиргэ сытар эр киһини кырбаатылар. Быһылаан олорор дьиэ тиэргэнигэр буолла, онно олохтоох дьахтар дьайы видиеоҕа уһулла.
Видеоҕа көстөрүнэн, икки эр дьон окко сытар эр киһини кырбыыллар. Ботурууллары ыҥырбыт дьахтар, кырбааччылары тутан илдьэ баралларыгар көрдөһөр, ол кэмҥэ күлүгээттэр бэйэлэрин массыыналарыгар олорон куота сатыыллар. Полицейскайдар тутаары ыстаналлар, массыынаҕа олорооччулар тимир көлөлөрүн аанын истэриттэн хатанан кэбиһэллэр, быһылаан буолбут сириттэн куотан иһэннэр, олбуорга турар атын массыынаны түҥнэри көтөн ааһаллар.
Өрөспүүбүлүкэтээҕи ИДЬМ-ҥа бигэргэппиттэринэн, быһылаан Жатайга, бэс ыйын 5 күнүгэр, суббуота сарсыарда буолбут.
«Бэрэбиэркэ ыытылла турар, бары кыттааччылар чуолкайданнылар. Сиһилии иһитиннэрии кэлин оҥоруохпут», - диэн биллэрдэ ИДЬМ пресс-сулууспата.
