Хоруона хамсыгын кытта охсуһар суһал ыстаап киинэ иһитиннэрэринэн, Саха сиригэр ааспыт суукка иһигэр бу дьаҥтан 10 киһи өллө. Ол иннинэ 7 киһи тыына быстыбыт эбит. Ити иннинээҕи нэдиэлэҕэ хоруона вируһуттан өлбүт киһи ахсаана 45 буолбут.
Хамсык саҕаланыаҕыттан бу ыарыыттан өрөспүүбүлүкэ үрдүнэн барыта холбоон 1284 киһи өллө.
Хамсык саҕаланыаҕыттан эрэгийиэҥҥэ 56 398 киһи COVID-19 ыарыыга сутуллубут. Оттон биир суукка иһигэр 239 киһи ыалдьыбыт, 143 киһи үтүөрбүт. Алтынньы 9 күнүнээҕи туругунан, Саха сирэ ыалдьыбыт киһи күннээҕи эбиллиитин эриэйтинигэр 38-с миэстэҕэ турар эбит.
Хамсык саҕаланыаҕыттан эрэгийиэҥҥэ 42505 киһи бу ыарыыны этэҥҥэ аһардыбыт.
stopcovid19.sakha.gov.ru саайт биллэрэринэн, киин куораппытыгар билиҥҥи туругунан 6592 киһи ыалдьыбыт.
