Петрозаводск куоракка доруобуйа харыстабылын эбийиэктэрин көрүү-истии кэмигэр, Артур Парфенчиков Михаил Охлопковка бочуотунай грамота туттарда.
Карелия баһылыга этэринэн, өрөспүүбүлүкэ олохтоохторо бэйэлэрэ маннык наҕарааданы Охлопковка аныахха диэн этии киллэрбиттэр.
«Михаил Егорович, мин өйдүүрбүнэн, дьон бэйэтэ наҕараадалыан баҕарбыт маҥнайгы миниистирдэринэн буолла. Үгүстэр Охлопковы хаһан наҕараадалыыгыт диэн ыйыталлар. Биир дьахтар миэхэ ити туһунан этээри иккитэ кэлэ сылдьыбыта», - диэн эрэгийиэн салайааччыта быһаарар.
Санатар буоллахха, Михаил Егорович Охлопков Карелияҕа доруобуйа харыстабылын миниистирин дуоһунаһыгар 2018 сыл бүтэһигиттэн үлэлиир. Ити дойдуга тиийиэн иннинэ, кини Саха сирин доруобуйаҕа харыстабылын Министиэристибэтин салайааччытынан үлэлээбитэ.
Сэҥээриилэр