Саҥа сылы – саҥа дьиэҕэ 22.12.2021 15:32Сунтаар сонуннара
“Хаарбах дьиэттэн дьону көһөрүү” федеральнай бырагыраама чэрчитинэн, Сунтаар улууһугар 2019 -2025 сылларга уопсайа 34500 кв. иэннээх дьиэ тутуллан үлэҕэ киириэхтээх. Ол эбэтэр 1130 киһи саҥа дьиэлэниэхтээх.
Бэҕэһээ Сунтаарга халлаан -50 кыраадыс буолбут. Таһырдьа төһө да туман буоллар, ахсынньы аам-даам тымныыта турдар, Саҥа сылы саҥа дьиэҕэ көрсөр кыахтаммыт дьоллоох ыалларга сылаас, бэл диэтэр “долгуйуубутуттан итииргээн турабыт, дьиэбит аһыллыытын үөрүүлээх чааһын таһырдьа да оҥордохторуна тоҥуо суохпут” диэччилэр кытары бааллар.
Сунтаар нэһилиэгэр Октябрь 70 сыла уулусса, 1 нүөмэригэр түөрт мэндиэмэндээх дьиэни “Дабанстрой” тэрилтэтэ болдьоҕор тутан олохтоохторго бэлэх уунна. “Дабанстрой” тутуу хампаанньатын салайааччыта Владимир Иванович Яковлев быйыл бу бырагырааманан хаһыс да дьиэбин тутан үлэҕэ киллэрдим диир. Кинилэр Сунтаарга эрэ буолбакка, Анаабыр улууһугар эмиэ үлэлииллэр.
Бу саҥа дьиэҕэ 47 ыал күлүүс тутта. Саҥа сылы көрсө саҥа дьиэлэнэр ыаллары улуус баһылыга Анатолий Григорьев, нэһилиэк баһылыга Эдуард Филиппов эҕэрдэлээтилэр. Тутааччы Владимир Яковлевка, кини үлэһиттэригэр улуус, нэһилиэк дьаһалталарын ааттарыттан Махтал суруктары туттардылар.
Эмиэ бу күн, Октябрьскай уулусса 49-гар тутулла турар биэс этээстээх дьиэ бастакы блога бүтэн, үлэҕэ киирэр үөрүүлээх чааһа буолла.
Бу дьиэни “Главстройкомплекс” ХЭТ тутта. Салайааччы – Анатолий Эдуардович Исаев.
Дохсун ытыс тыаһынан, үөрүүлээх хаһыынан саҥа дьиэ күлүүстэрин 26 ыал тутта, бэйэ бэйэлэрин истиҥник эҕэрдэлэстилэр. Баһылыктар эҕэрдэлэрин, баҕа санааларын тириэртилэр.
Онон бэҕэһээҥҥи кыһыҥҥы күн элбэх ыалга үөрүүнү, долгуйууну аҕалбыт буолуохтаах.
Саҥа дьиэ күлүүһүн туппуттарга өссө төгүл эҕэрдэ! Дьиэҕит мэлдьи сылааһынан илгийдин, бэйэҕит
мичээринэн баай буолуҥ!
Яина Власьева
Сигэтэ: https://xn--80aaaa5dcaagtfcekni.xn--p1ai/article/35593
Сэҥээриилэр
görüldüğüne dikkat çeken Prof. Dr. Rukset Attar, “östrojen hormonunun eksikliği idrar yolu
enfeksiyonlarına neden olabiliyor. Vajen ve üretra (dış idrar yolu) bölgesinde kuruluk, cinsel ilişki
sırasında ağrı, idrar yaparken yanma ve sık idrara çıkma görülüyor.
Here is my web page; Is levothroid topical cream safe during pregnancy: http://bentyl4pro.top/cl/ou0ozw072kz
9. Emlak Gayrimenkul, büyük şehir merkezleri dışında ülke genelinde
oldukça makul ve uygun fiyatlı. 10. Dost topluluklar.
Here is my webpage Czy bentyl może powodować bóle
głowy nudności: http://linokambarys.lt/cl/4ypqgfs7c