Көрөргүт курдук көлүччэ обургу. Муммут кус да кэлэн түһүөн курдук.
Бу көлүччэ аҕыйах сыллааҕыта күрдьүллүбүт мас дьиэ котлованыгар үөскээтэ. Дириҥэ чопчу биллибэт, гынан баран маннык котлованнар оҥо хаһыылара сүрдээх кутталлаах буолааччылар. Ордук чуолаан – кыра оҕолорго! Ону баара чугастааҕы дьиэлэр оҕолоро бу көлүччэттэн төрүт арахпаттар. Дуоскалартан болуот оҥостон ууга уста сатыыллар. Улахан дьон маны букатын буойбат эбиттэр. Оттон быыкайаан оҕолор манна кирдээх уу, бөх-сах аттыгар оонньоон букунаһалларын көрөллөр ээ.
Манныгы учуоттаан туран, бу көлүччэ уутун тэхиниичэскэй ньыманан куурдуохтарын, буорунан-тааһынан саба бүрүйүөхтэрин наада. Атын суол суох.
Станислав Алексеев. Мииринэй куората. Ааптар хаартыската.
