Киирии

Киирии

Өрөспүүбүлүкэ судаарыстыбаннай уорганнарын саайтыгар Ил Дархан эбэһинэһин быстах кэмҥэ толорооччу Айсен Николаев саҥа каадырдары аныырын туһунан уурааҕа тахсыбыт.

Үс уураах уларытыллыбыт министиэристибэлэр уонна биэдэмэстибэлэр салайааччыларын солбуйаччыларыгар сыһыаннаах.

Ол курдук, Николай Додохов экология, айылҕаны туһаныы уонна ойуур хаһаайыстыбатын министирин солбуйааччытын э.т. ананна. Кини бу иннинэ айылҕа харыстабылын миниистирин солбуйааччытынан олорбута.

Dodoxov

Бу саҥа министиэристибэ өссө биир миниистирин солбуйааччытынан эмиэ урут айылҕа харыстабылын миниистирин солбуйааччытынан олорбут Эдуард Пихтин ананна.

Pixtin

Тас сибээс уонна Саха сирин норуоттарын дьыалаларыгар миниистирин солбуйааччытын эбээһинэһин толорооччунан Диана Степанова ананна. Кини бу иннинэ тас сибэс департаменын салайааччытын солбуйааччытынан үлэлээбитэ.

Stepanova

Маны таһынан, Айсен Николаев суох оҥоһуллубут биэдэмэстибэлэр салайааччыларын ууратта: судаарыстыбаннай арыгы ырыынагын салайар управление салайааччыта Матвей Лыткин, атыылаһыы эйгэтигэр хантыраак систиэмэтин салайар судаарыстыбаннай кэмитиэт бэрэссэдээтэлэ Александр Попов. Маны таһынан, Александр Попов солбуйааччыта Петр Гаврильев дуоһунаһыттан эмиэ босхолонно. Бу иннинэ ойуур сыһыаннаһыыларын департаменын салайааччы Вячеслав Попов ууратыллыбыта. Бу департамент функцията саҕа тэриллибит экология, айылҕаны туһаныы уонна ойуур хаһаайыстыбатын министиэристибэтигэр бэриллибитэ.

Тарҕат:

Ырытыыгын суруй

Защитный код
Обновить

Бүтэһик сонуннар