Ил Дархан СӨ Ыччат дьыалаларыгар уонна социальнай коммуникацияҕа миниистири бастакы солбуйааччы Руслан Платоновы дуоһунаһыттан босхолоото уонна Ил Дархан уонна бырабыыталыстыба дьаһалтатын олохтоох салайыныы боппуруостарыгар департамент салайааччытынан анаата.
Бу туһунан Айсен Николаев твиттерга баар сирэйигэр суруйбут.
“Руслан Михайлович СӨ Ыччат дьыалаларыгар уонна социальнай коммуникацияҕа миниистири бастакы солбуйааччы дуоһунаһыттан босхолонор уонна Ил Дархан уонна бырабыыталыстыба дьаһалтатын олохтоох салайыныы боппуруостарыгар департамент салайааччытынан ананар”, - диэн суруйбут.
Руслан Михайлович Платнов 1980 сыллаахха сэтинньи 13 күнүгэр Ытык Күөлгэ төрөөбүт.
2003 сыллаахха СГУну “филолог” идэлээх бүтэрбит.
2011 с. РАНГХИС “Политология. Анализ и прогноз” идэлээх бүтэрбит.
2001 муус устарыттан 2004 сыл тохсунньутугар дылы “ТАБЫС” Таатта улууһун устудьуоннарын уонна ыччатын түмсүүтүн салайбыт.
2003-2004 сс. – “Моя квартира в Якутии” хаһыат кэрэспэдьиэнэ.
2004 сыл тохсунньу-кулун тутар ыйдарыгар – “Забота-Арчы” хаһыат кэрэспэдьиэнэ.
2004 сыл кулун тутарыттан 2007 сыл от ыйыгар дылы – “Саха сирэ” хаһыат кэрэспэдьиэнэ.
2005-2007 сс. – “Таатта” Таатт улууһуттан тахсыылаах дьон уопсастыбаннай тэрилтэтин толорооччу дириэктэрэ.
2006 сыл от ыйыттан-балаҕан ыйыгар дылы “Орто Дойду” хаһыат сүрүн эрэдээктэрин солбуйааччы.
2006 сыл балаҕан ыйыттан 2007 сыл ыам ыйыгар дылы – бэрэсидьиэн иһинэн дьиэ кэргэн уонна оҕо саас кэмитиэтин исписэлииһэ.
2007 сыл балаҕ ыйыттан 2008 с дылы – “Биир ньыгыл Арассыыйа” баартыйа Саха сиринээҕи салаатыгар ыччаты кытары үлэҕэ сүрүннүүр исписэлиис.
2008 сыл кулун тутар 20 күнүттэн – Ил Түмэн мандатнай уонна регламенныыр хамыыһыйатын бэрэссэдээтэлэ.
2009 сылтан Дьокуускай куоракка “Таатта” түмсүү бэрэссэдээтэлэ.
2009 сылтан – “Молодежное Федеральное Собрание” Дьокуускай куораттааҕы түмсүү бэрэссэдээтэлэ.
2017 сыл олунньу 6 күнүттэн киин куорат Гагаринскай уокурук управлениетын начаалынньыгынан анаммыт.
