Войти

Войти

“Ил Түмэн” бэчээт  кыһата” автономнай тэрилтэ генеральнай дириэктэрэ, “Ил Түмэн” хаһыат сүрүннүүр эрэдээктэрэ Мария Христофорова Удмуртияҕа үлэлээтэ.

Мария Николаевна Удмуртия судаарыстыбаннай сэбиэтин бэрэссэдээтэлин Алексей Прасоловы, “Биир Ньыгыл Арассыыйа”  фракция салайааччытын Елена Дербилованы уонна наукаҕа, үөрэхтээһиҥҥэ, култуураҕа, ыччат политикатыгар, спортка өрөспүүбүлүкэтээҕи парламент олохтоох хамыыһыйатын бэрэссэдээтэлин Татьяна Ишматованы кытта көрүстэ.

Мария Николаевна “Земскэй суруналыыс”  судаарыстыбаннай бырагыраамманы оноруу  туһунан билиһиннэрдэ. Оройуоннааҕы хаһыаттар билигин даҕаны духуобунай-идеологическай, социальнай оруолу ылалларын, ол туһунан  ыйытык түмүктэрэ көрдөрөрүн  кэпсээтэ. Тыа дьоно олохтоох хаһыаттан сонуну истэ-билэ олороллорун бэлиэтээтэ. Оттон оройуоннааҕы эрэдээксийэлэргэ тустаах үлэһиттэр тиийбэттэр диэн  эттэ.

Мария Николаевна “О патриотическом воспитании граждан в Удмуртской Республике” диэн сокуону ылыныыга өрөспүүбүлүкэ дьокутааттарын көҕүлээһиннэрин үрдүктүк сыаналаата. Саха сиригэр маннык сокуон патриотическай иитии систиэмэтин сайыннарыыга тирэх буолар кыахтааҕын бэлиэтээтэ.

Ону таһынан, эдэр учууталлары өйөөһүн, төрөөбүт тылы уонна култуураны тарҕатыы, эдэр исписэлиистэри үлэнэн хааччыйыы туһунан о.д.а.  боппуруостар көтөҕүлүннүлэр.

yakutia24.ru/

Тарҕат:

Комментарии

You have no rights to post comments

Бүтэһик сонуннар