Войти

Войти

Дьокуускай куораттааҕы территориальнай быыбардыыр хамыыһыйа (ТИК) олунньу 11 күнүгэр куорат мээригэр быыбарга киирсэргэ соҕотох хандьыдааты - Строительнай уокурук баһылыгын, хомуньуус Савва Михайловы бастакы хандьыдаатынан бэлиэтээбит.  Биллиҥитэ ТИК саайтыгар Савва Михайловтан ураты бэлиэтэммит хандьыдаат суох.

Савва Михайловы "КПРФ" бэлиитикэ баартыйатын Саха сиринээҕи салаата туруорбут. Баартыйа "быыбарга киирсэр, мээр дуоһунаһыгар саамай барсар хандьыдаат" диэн талбыт, маныаха куораттааҕы баартыйа салаата аҕытаассыйаҕа күүстээх үлэни ыытарга бэлэмин иһитиннэрбит. Бу туһунан баартыйа пресс-сулууспата суруйар. Михайлов быыбар иннинээҕи ыстааба номнуо үлэтин саҕалаабыт. Билиҥҥитэ хомуньуус кимнээҕи үлэлэтэрин чопчулуу сылдьар. Кини этэринэн, Дьокуускайга баартыйа бастайааннай электоратыгар 15-20 тыһ. киһи баар, ити хандьыдааты өйүүргэ бэрт улахан хамсааһыны таһаарыахтаах. Савва Михайлов "миэхэ баттааһыны оҥоро сатыыллар" диэн эмиэ үҥсүбүттээх. Савва Михайлов ТИКка докумуоннарын туттарарыгар Саха сирин хомуньуустарын салайааччыта Виктор Губарев, норуот дьокутааттара Иннокентий Романов уонна Вячеслав Марков, быыбар иннинээҕи ыстаап начаалынньыга, урукку Чокурдаах баһылыга Дмитрий Шарипов, куорат думатын дьокутаата Надежда Андросова уонна кини биир идиэйлээхтэрэ кэлэн өйөбүл буолбуттар.

Санатар буоллахха, куорат быһылыгын быыбара кулун тутар 26-28 күннэригэр буолуоҕа.

Билиҥҥитэ Владимир Федоров, "Сомоҕо күүстэртэн" Михаил Мяриканов быыбарга киирсэргэ дураһыйалларын киэҥник биллэрбиттэрэ. Ол эрээри, ТИКка официальнайдык бэлиэтэнэ иликтэр.

 

 

 

Тарҕат:

Добавить комментарий