Войти

Войти

Муома улууһун киинигэр – Хонуу сэлиэнньэтин (“Муома национальнай нэһилиэгэ”) баһылыгын талыыга бэҕэһээ, кулун тутар 14 күнүгэр быыбар буолан ааспыт. Дьэ, Хонууга быыбар хонуутугар – кытаанах киирсиилэр буолбуттар.

Быыбарга 5 киһи туруммут: 3 бэйэ баҕатынан уонна 2 хандьыдаат баартыйаттан – ЛДПРтан 1989 сыллаах төрүөх, АГиП үлэһитэ, Кытайга үөрэммит, Госдума дьокутаатын көмөлөһөөччүтэ Семен Макаров уонна былаас баартыйатыттан – “Биир Ньыгыл Арассыыйаттан” олохтоох баһаарынай сулууспа начаалынньыга, Муома оройуоннааҕы дьокутааттарын Сэбиэтин дьокутаата, 1976 сыллаах төрүөх Серафим Мараказов. Уопсайа 1832 быыбардааччы баарыттан 976 бүлүтүөнү дьиҥнээҕинэн аахпыттар. Быыбар түмүгүнэн “Муома национальнай нэһилиэгин” баһылыгын эбээһинэһин толорон олорбут, 1986 сыллаах төрүөх Иван Дягилев (самовыдвиженец) кыл-мүччү 1 куолаһынан кыайыылаах (305 куолаһы ылбыт, ол эбэтэр 31,06 бырыһыан) тахсыбыт. Кини утарсааччыта, “ньыгыл” Серафим Мараказов кыһыылаахтык кыайтарбыт – 304 куолаһы ылбыт (30,96 бырыһыан). Үһүскэ – олохтоох оскуола учуутала Валентина Фазульянова (182 куолаһы хомуйбут, 18,53), төрдүс – урбаанньыт Владилена Абрамова – 169 куоластаах уонна ЛДПР чилиэнэ Семен Макаров 16 куолаһы суруммут.

Тарҕат:

Добавить комментарий