Айсен Николаев Степан Саргыдаевка миниистир дуоһунаһыгар үчүгэйдик үлэлээбитин ахтан туран махталын биллэрдэ. Кини миниистиринэн 2018 сыл алтынньытыттан ананан олордо. Бу кэмнэргэ кини министиэристибэ иннигэр туруоруллубут соруктары толору ситиспитин Ил Дархан аҕынна. 2021 сыл атырдьах ыйыгар Степан Саргыдаев Айсен Сергеевич дьаһалынан Бэс Күөлүгэр тахсан үлэни-хамнаһы иилээбитэ.
Бүгүҥҥэттэн ыла Степан Саргыдаев миниистир кириэһилэтиттэн Чурапчы улууһун баһылыгын бастакы солбуйааччытынан үлэлии таҕыста. Кини 2005 сылтан төрөөбүт улууһун дьаһалтатыгар араас дуоһунастарга үлэлээбитэ, икки болдьоххо улуус киинин баһылыгынан олорбута.
Чурапчы улууһун баһылыгын ахсынньы 12 күнүгэр талыахтара, Степан Саргыдаев онно сүрүн кандидатынан туруоҕа.
