Афанасий Владимровы Ил Дархан уонна Бырабыыталыстыба дьаһалтатын иһинэн олохтоох бэйэни салайыныы департаменын салайааччытын эбээһинэһин толорооччунан анаатылар. Бу туһунан Ил Дархан э.т. Айсен Николаев муниципальнай тэриллии салайааччыларын кытары буолбут селекторнай мунньахха эттэ.
“Биһиги олохтоох бэйэни салайыныы департаменын үлэтин сөргүтэбит. Биэдэмистибэ сүрүн сыалынан олохтоох бэйэни салайыныыны түмүү буолуоҕа. Бу департамент баһылык уонна барыбыыталыстыба иһинэн биир ыйааһыннаах уорганынан буолуоҕа. Салайааччынан Афанасий Владимиров үлэлиэҕэ”, - диэтэ Николаев.
Санатар буоллахха, ааспыт кулун тутарга Егор Борисов Владимировы Ыччат уонна дьиэ кэргэн бэлиитикэтин миниистириттэн АГИП ис бэлиитикэ департаменын салайааччытынан анаабыта.
