Киирии

Киирии

Олунньу 12 күнүгэр киэһэ 18 чаас саҕана Ньурба улууһун Өҥөлдьөтүгэр 100 төбөҕө анаан тутуллубут хотон хоруобуйата сууллубутун туһунан иһитиннэрии киирбит. Санатар буоллахха, соторутааҕыта Ньурба Дьаарханыгар эмиэ “Саһарҕа” пиэрмэ саҥа хотонун сарайа сууллубута. Хотон – “Өлөҥнөөх” бааһынай хаһаайыстыба гиэнэ (сал. Мария Васильева). Дьолго, биир да сүөһү эмсэҕэлээбэтэ.

 

Бааһынай бу хотонун ТХМ 2014 с. “Бааһынай хаһаайыстыба базатыгар дьиэ кэргэн сүөһү иитэр пиэрмэлэрин сайыннарыы” бырагырааманан грант ылан туттубут. Дьэ, туох да диэбит иһин сордоох тутуулаах хотоннор буолан биэрдилэр. Билигин 113 төбөнү (ол иһигэр 40 ыанньык) хаһаайыстыба эргэ хотонугар батарбыттар. Бу үлүгэр төрөөһүн муҥутаан турдаҕына, кыс ортото уулуссаҕа хаалан хаалар диэн иэдээнэ бэрт. Билигин министиэристибэ анал хамыыһыйата саахалы туоратыыга Ньурбаҕа тиийбит. Хамыыһыйа саахал биричиинэтин быһаарыахтаах. Хотон каркааһа ЛСТК (легкие стальные тонкостенные конструкции) диэн технологиянан тутуллубут. Сэрэйдэххэ, ыстаала бэрт чараас, сымнаҕас итиэннэ саморезтарынан эриллибит буолан, хаары уйбатах буолуохтаах. Чэ, быһаараллар ини...

2f5e127e51369d57bdfdb6381d79c9b1a61b28b6

 7dcb2f86d71c35d580450913d72fbf9347f61832

Тарҕат:

Ырытыы  

Ньурба
+1 Ньурба 13.02.2018 21:33
Буолар да эбит, кыс ортото бу минсельхоз отчеттаан бутиуннэр эрэ, хотонноро сууллан бутээри гынна
Ответить

Ырытыыгын суруй

Защитный код
Обновить

Бүтэһик сонуннар