Саха сирин «Прожектор» диэн креативнай лаборатория бырайыагын олоххо киллэрэр былаһаакканан таллылар. Бырайыак чэрчитинэн Дьокуускай 38 №-дээхоскуолатыгар түмэл тэрийиэхтэрэ.
Түмэли тэрийиигэ Емельян Ярославскай аатынан Дьокуускайдааҕы судаарыстыбаннай Хотугу норуоттар устуоруйаларын уонна култуураларын холбоһуктаах түмэлэ көмөлөһүөҕэ. Дойду үрдүнэн 30 оскуолаҕа маннык түмэл тэриллиэ. Онно хас биирдиитигэр 100 тыһ. солк. көрүллүө.
СӨ Култуура уонна духуобунай сайдыы миниистирин солбуйааччыта Марина Силина кэпсээбитинэн, бу бырайыагы Бүтүн Арассыыйатааҕы култуура эйгэтин доброволецтара «Култуура» национальнай бырайыак иитинэн олоххо киллэрэллэр. Гранынан көмөнү Бүтүн Арассыыйатааҕы уопсастыбаннай-судаарыстыбаннай «Движение первых» оҕо аймах уонна ыччат хамсааһына оҥорор.
Бырайыак оскуола оҕолорун түмэл үлэтигэр чугаһатар, төрөөбүт сир устуоруйатын уонна култууратын үөрэтиигэ уонна харыстааһыҥҥа көҕүлүүр соруктаах. Ол түмүгэр регионнарга саҥа эдэр каадырдар үүнэн тахсыахтара диэн эрэнэллэр.
Сонун төрдө: СӨ Култуура уонна духуобунай сайдыы министиэристибэтин пресс-киинэ
