Войти

Войти

СӨ успуортка уонна  физическэй култуураҕа министиэристибэтэ сыл бастыҥ спортсменнарын талыы көрүҥүн уларытта. Урукку курдук уон бастыҥнар оннуларыгар, түөрт хайысханан лауреаттар талыллыахтара. Ол курдук, олимпийскай көрүҥ, олимпийскай оонньууларга киирбэт көрүҥ, успуорт национальнай көрүҥэ уонна адаптивнай успуорт диэҥҥэ бастыҥнар быһаарыллыахтара. Куоҥкурус аата “Гранд финал. Чемпионы Якутии”.

Өрөспүүбүлүкэ олохтоохторо бастыҥ спортсменнары   4647 нүөмэргэ смс ыытан куоластааһын быһыытынан талыахтара. Биир смс сыаната 6.20 солк (ндс ааҕан турар).

Успуорт министиэристибэтэ “Спорт Якутии” хаһыакка иһитиннэрбитинэн, куоластааһын түмүктүүр күнэ ахсынньы 21 күнүгэр “Саха” НКиХ ханаалыгар аһаҕас эфиргэ буолуоҕа. Куоластааһын бүгүҥҥэттэн саҕаламмыт.

Ахсынньы саҕаланыыта анал хамыыһыйа номинаннары талбыт. Манна 2019 сыл бастыҥ спортсменнара киирдилэр.

Олимпийскай көрүҥ

- Сардаана Трофимова (чэпчэки атлетика)
- Нюргуяна Никифорова (дзюдо)
- Владимир Егоров (тустуу)

Олимпийскай оонньууларга киирбэт көрүҥ 

- Айаал Макаров (компакт-спортинг)
- Николай Гуляев (саахымат)
- Матрена Ноговицына (саахымат)

Успуорт национальнай көрүҥэ
- Сергей Константинов (мас-тардыһыыта)
- Николай Иванов (хапсаҕай)
- Алексей Созонов (хотугу многоборье)

Адаптивнай успуорт

- Владимир Балынец (пауэрлифтинг)
- Степанида Артахинова (оҕунан ытыы)
- Сергей Николаев (тустуу)

Spotyakutia.ru

Тарҕат:

Комментарии

Защитный код Обновить

Бүтэһик сонуннар