«Золотой заяц» норуоттар икки ардыларынааҕы турнирга Саха сирин хамаандата бастыҥынан ааттанна

 

– Ахсынньы 8-13 күннэригэр Москваҕа «Золотой заяц» норуоттар икки ардыларынааҕы турнирга Саха сириттэн 9 киһилээх хамаанда Нам, Бүлүү, Мэҥэ Хаҥалас, Чурапчы улуустарыттан уонна Покровскай куораттан кытынныбыт. Покровскайтан Мария, Илья Соломоновтар, Елизавета Маркова, Чурапчыттан Михаил Кривошапкин, Мэҥэ Хаҥаластан Евгений Птицын, Игорь Попов, Бүлүүттэн Александр Спиридонов, Намтан Марина Литвинова, Гаврил Макаров кытыннылар.

 

 

Марина Дмитриевна салайааччы-тириэньэр быһыытынан сырытта. Турнир 22-с төгүлүн ыытылынна, бу күрэххэ Саха сириттэн 20-с төгүлүн кытынныбыт. Постпредство трансфер биэрэн, аэропорка көрсөн, көстүүнэйгэ диэри уонна кэлэрбитигэр көстүүнэйтэн аэропорка илтэ уонна аҕалла, онон, улаханнык көмөлөстүлэр. Хамаанда аатыттан махталбытын биллэрэбит. Көстүүнэйгэ льготалаах төлөбүргэ сырыттыбыт, сарсыарда биирдэ аһаттылар. Куйаар код күн аайы көрдүүллэр, судьуйалар да кытааппыттара сүрдээх эбит. Тохсуо буолан кэлэммит, икки күн күрэхтэстибит. Бастакы күн — инбэлиит-спортсменнар (50 сааска диэри), иккис күн ультра-мастер (50 саастарыттан үөһэ) күрэхтэстилэр.

 

 

Бастакы күн 10 мэтээл ылбыппыт. Илья Соломонов — дартска 3 м., Мария

 

Соломонова — дартска 2 м., Александр Спиридонов — армреслинг 80 кг диэри уҥа илиигэ 4 м., Игорь Попов — 70 кг уҥа илиигэ 3 м., хаҥас илиигэ 3 м., двоеборияҕа 3 м., Елизавета Маркова — хаҥас илиигэ 60 кг диэри 4 м., Марина Литвинова — уҥа илиигэ 4 м., Мария Соломонова — 80 кг диэри хаҥаска 4 м., уҥаҕа 3 м. буоллубут. Классификация көрдүлэр. Гиирэҕэ 7, 8 м. Хамаандаҕа 7 м. очко аҕаллылар.

 

Иккис күн: бодибилдиҥҥа Елизавета Маркова — 4 м., Гаврил Макаров, Михаил Кривошапкин уонна Игорь Попов 7 м. буоллулар. 

60 кг диэри Армультра маастардартан: Елизавета Маркова — уҥа, хаҥас 4 м., Марина Литвинова — хаҥас, уҥа 3 м., двоеборье 80 кг диэри 3 м. буоллубут. Мария Соломонова — уҥа, хаҥас 3 м., двоеборье 3 м. эр дьоҥҥо 70 кг диэри.

 

Гаврил Макаров хаҥас, уҥа илиигэ 3 м., двоеборье 3 м., Михаил Кривошапкин уҥа, хаҥас илиигэ 5 м. ылла. Мария Соломонова абсолютнай армреслинга уҥа, хаҥас илиигэ 4 м. буолла.

 

Икки күн түмүгүнэн, Саха сирин хамаандата 1 миэстэни ылан, кыайыы көтөлүн биллибит. Бу күрэхтэһиигэ икки киһи спорт маастара буоллулар.

 

Маннык күрэхтэһиилэр доруобуйаларынан хааччахтаах дьоҥҥо биир үтүө холобур, төһүү күүс буолаллар.

 

Надежда Сивцева

 

Сигэтэ: https://xn--h1aaigu4ed.xn--p1ai/article/36450