ИП Борисов кыраадыстаах быырпаҕын сөбүлээн иһээччилэр аны фирменнэй брелоктанар буолбуттарын туһунан биир социальнай ситимҥэ үөрэ-көтө кэпсииллэр. Онуоха сорох дьон Барыыһап быырпаҕын утаран сурук суруйаллар. 2 ГИС диэн ыйынньыкка урбаанньыты быырпаҕын доруоһалаан оҥорорун, утаҕа итирдэр састааптааҕын, ким эрэ ити быырпахтан сылтаан арыгытын иһэн кэбиспитин иһин сэмэлээбиттэр. Оттон биһиэхэ биир сыл иһигэр оннук ис хоһоонноох хас да сурук кэллэ. Олортон биирдэстэрин эһиги болҕомтоҕутугар таһаарабыт:
«Дорооболоруҥ. Мин биир темаҕа тиийдим. Билигин куорат продуктовай маҕаһыыннарыгар, ону таһынан улууска муода утах диэххэ дуу, эмиэ да кымыс курдук, эмиэ да дьон арыгылаан баран нөҥүө күнүгэр "абырах " диэн ылан иһэр буолбуттарын көрөбүн-истэбин.
Сахалар төрүт аспыт аатын туһанан, ИП Борисов (Хаҥалас) атыыга дэлэйдик оҥорон таһаарар буолла. Ону оскуола оҕолоро кытта иһэн холуочуйалларын көрдүм... Аны састаабыгар араас барыта баар эбит, оннооҕор этиловай спирт.
Бу тугуй? Маны хайдах гынан киэҥ ырытыыга таһааран бопторон, ыччаппытын, оҕолорбутун быыһыахха сөп буолла диэн суруйабын. Баһаалыста көрөн ырытыыга таһаарыҥ, бопторуҥ».
Дьиҥэр, ааҕааччыбыт Барыыһап быыппаҕын бэрэбиэркэлиир уонна бобор туһунан ирдэбили Саха сиригэр арыгы атыытын хонтуруоллуур эбэтэр Өҥөнү туһанааччы быраабын тутуһууну кэтиир управлениеларга үҥсүү түһэриэн сөп этэ. Ол да буоллар, дьүүлгэ таһааран быһаарсан көрүөҕүҥ. Ааҕааччыбыт сөпкө утарар дуу, суох дуу?
Эрэдээксийэттэн быһаарыы: Этиловый спирт — наркотическое вещество, вызывает характерное алкогольное возбуждение; в больших дозах угнетает функции центральной нервной системы. В медицине применяют главным образом как наружное антисептическое и раздражающее средство для обтираний, компрессов и т. п., а также для приготовления настоек, экстрактов и других лекарственных форм.
Бэйэ кэр.
Сэҥээриилэр
бу баар оригинал