Куоластааһыҥҥа кытын – төрөөбүт түөлбэҥ сайдарыгар кылааккын киллэр!
“Алмаасэргиэнбаан” отут сыл устата тус суолун-ииһин солоон, үүнүү-сайдыы аартыгын тэллэ, күн бүгүн Саха сиригэр эрэгийиэн таһымнаах соҕотох баан буолар. “Алмаасэргиэнбааны” өрөспүүбүлүкэ нэһилиэнньэтигэр уонна урбааныгар хаачыстыбалаах бородуукталары, өҥөнү оҥорор үрдүк кэмпитиэнсийэ киинэ буолар” диэн киэн тутта эрэллээхтик этэбит. Баан бородуукталара, өҥөлөрө ырыынакка федеральнай таһымнаах бааннары кытта тэҥ-тэҥҥэ күрэстэһэр.
Саха сирин дьонун-сэргэтин олоҕо-дьаһаҕа тупсара, уопсастыба үүнүүтэ-сайдыыта, социальнай суолталаах бырайыактары өйөөһүн – “Алмаасэргиэнбаан” үлэтин-хамнаһын өрө тутар хайысхата. Былырыын Дьокуускайга уонна Саха сирин оройуоннарыгар социальнай эбийиэктэри сайыннарыыга туһуламмыт бырайыактарга саҥа куонкуруһу биллэрбитэ. Сыл түмүктэниэн аҕай иннинэ сайаапкалары хомуйан түмүктээбиттэрэ, аны куоластааһын ыытыллар. Куонкурус туһунан “Алмаасэргиэнбаан” биирдиилээн атыы урбаанын дэпэртээмэнин дириэктэрэ Саргылаана Бойлохова сырдатта.
– “Алмаасэргиэнбаан” Дьокуускай куоракка уонна Саха сирин оройуоннарыгар социальнай эбийиэктэр сайдыыларыгар анаан 3 мөлүйүөн солкуобайы көрөрүн биллэрбитэ. Бу куонкурус туох ирдэбиллээҕий?
– Билим, үөрэх, доруобуйа, култуура, социальнай көмүскэл, нэһилиэнньэ дьарыктаах буолуутун, физическэй култуура уонна успуорт, ону таһынан атын эйгэ кэмиэрчэскэйэ суох тэрилтэлэр бырайыактарын икки ардыларыгар ыытыллар. Ол эбэтэр куонкуруска оскуолалары, уһуйааннары, бибилэтиэкэлэри, о.д.а. тэрилтэлэри сайыннарар бырайыактар кытталлар. Ирдэбил быһыытынан кыайбыт бырайыак биир сыл устата олоххо киириэхтээх.
Сайаапкалары 2023 сыл сэтинньи 27 күнүттэн ахсынньы 17 күнүгэр диэри хомуйбуппут.
– Куоластааһын болдьоҕо? Хас кыайыылаах баар буоларый?
– Куонкурус баан офиһа баар куораттарыгар, улуустарыгар ыытыллар. Киирбит сайаапкалары сирдэринэн-уоттарынан (территорияларынан) көрөн 2 бөлөххө араардыбыт: Дьокуускай куорат уокуруктара уонна оройуоннар.
Кыайыылаахтары куоластааһынынан быһаарыахпыт. Куоластааһыҥҥа Дьокуускай куорат уокуругун аайыттан биирдии бырайыак киирэр.
Дьокуускайга куоластааһын 2023 сыл ахсынньы 18 күнүттэн 2024 сыл кулун тутар 24 күнүгэр диэри ыытыллар.
Улуустарга куоластааһын икки түһүмэхтээх.
Бастакы түһүмэх 2023 сыл ахсынньы 18 күнүттэн 2024 сыл олунньу 4 күнүгэр диэри ыытылла турар. Бу – оройуон иһигэр (нэһилиэктэр ортолоругар) куоластааһын.
Иккис түһүмэх олунньу 12 күнүттэн кулун тутар 24-гэр диэри – оройуон кыайыылаахтарын икки ардыгар куоластааһын.
Кытаатан уокуруккут, төрөөбүт оройуоҥҥут бырайыактарын өйүүргүтүгэр, кыайыылаах тахсалларын туһугар куоласкытын биэрэргитигэр ыҥырабыт!
– Баан ааспыт сылга ыыппыт бырайыактарын, куонкурустарын туһунан кылгастык сырдатыаҥ дуу?
– “Алмаасэргиэнбаан” Саха Өрөспүүбүлүкэтин тирэх баана буоларын быһыытынан, нэһилиэнньэ олоҕун туругун уонна хаачыстыбатын үрдэтэр сыалы бастакы күөҥҥэ уурабыт. Ол чэрчитинэн араас бырайыагы, куонкуруһу ыытабыт.
Ааспыт сыл ахсынньытыгар бааммыт 30 сыллаах үбүлүөйүн бэлиэтээбиппит. Үбүлүөйдээх сылбытыгар социальнай хайысхалаах кэмиэрчэскэйэ суох тэрилтэлэр бырайыактарыгар үһүс куонкуруспутун тэрийбиппит. “30 үтүө дьыала” куонкуруска өрөспүүбүлүкэҕэ социальнай өҥөнү оҥорооччулар реестрдэригэр киирбит социальнай урбаанньыттар аан бастаан кыттыбыттара. Өссө биир улахан куонкуруспут “Сайдыыга – мөлүйүөн” (“Миллион на развитие”) буолар.
Маннык тэрээһиннэр “территорияны сайыннарыыга эрэ буолбакка, ыарахан балаһыанньаҕа түбэспит дьоҥҥо, оҕолорбут уонна ыччаппыт үүнэллэригэр-сайдалларыгар усулуобуйа оҥорорго көмөлөһөллөр” диэн бигэ эрэллээхпит.
Манна сыһыаран эттэххэ, “Алмаасэргиэнбаан” өрөспүүбүлүкэҕэ национальнай бырайыактар олоххо киирэллэригэр көхтөөхтүк кыттар. РФ бэрэсидьиэнэ Владимир Путин көҕүлээбит “Демография”, “Үөрэхтээһин”, “Доруобуйа харыстабыла” бырайыактар иитинэн социальнай инфраструктураны хааччыйыыга үлэлэһэр. Баан көмөтүнэн оскуолалар, уһуйааннар, доруобуйа харыстабылын, култуура эбийиэктэрэ, суоллар, салгын пуортара тутуллаллар. “Олорор дьиэ-уот уонна куорат эйгэтэ” бырайыагынан 64 элбэх кыбартыыралаах дьиэ тутуллан үлэҕэ киирэрэ былааннанар. 2018 сылтан “Алмаасэргиэнбаан” кыттыытынан 200-тэн тахса эбийиэк тутулунна, бу сылга 80-ча эбийиэк тутуллара биллэр.
Онон, тоҕоостоох түгэни мүччү туппакка, төрөөбүт түөлбэҕит сайдарын туһугар куоласкытын биэриҥ, “Алмаасэргиэнбааны” кытта бииргэ буолуҥ!
Хайдах куоластыыбытый?
- «АЭБ Онлайн» сыһыарыыны төлөпүөҥҥүтүгэр хачайдааҥ уонна регистрацияланыҥ. “АЭБ” каартатын туһаныҥ эбэтэр “Саха сирин олохтооҕо” каартаны арыттарыҥ.
- Сыһыарыыга киириҥ, сүрүн экраҥҥа “Миллион на развитие” баннеры булуҥ.
- “К голосованию” кнопканы баттааҥ.
- Олорор түөлбэҕитин талыҥ. Холобур, Дьокуускай куорат, ол кэннэ уокуруккутун эбэтэр нэһилиэнньэлээх пууҥҥутун бэлиэтээҥ.
- Куоластыаххытын баҕарар тэрилтэҕит аатын баттааҥ.
Хас биирдии куолас суолталааҕын умнумаҥ!
