Войти

Войти


"Сүппүт көлүөнэ" этибит. Евдокия Игнатьевна ИЗБЕКОВА бастакы идэтэ - физик.

Дьалхааннаах 90-сылларга эдэр ыччат үксэ идэлэрин, олох хаамыытыгар сөп түбэһиннэрэн, 180 кыраадыс тосту уларыппытара. Ол туһунан Евдокия Игнатьевна бу курдук кэпсиир: - Биһиги көлүөнэ Сэбиэскэй кэмҥэ иитиллибиппит. Онтон киһи-хара буолан, олоххо тахсан үлэлиир кэммитигэр олох уларыйыытыгар түбэспиппит. Ол иһин биһиги көлүөнэни "сүппүт көлүөнэ" диэн ааттыыр этилэр. Олох ити быыһык кэмигэр дьон үксэ идэтин уларытан-тэлэритэн киирэн барбыта. Бииргэ үөрэммит, үлэлээбит кыргыттарым ким экэнэмиис, ким финансист буолбуттара. Онтон мин "бэйи, саха тылын үөрэҕэ баар эбит, онно киирэн үөрэниэххэ диэн санааттан" кэтэхтэн саха тылыгар үөрэммитим. Ити 1990 сыллаахха этэ. Үөрэхпин бүтэрэн, СКИХ "национальнай култуура" эрэдээксийэтигэр үлэлии киирбитим. Онтон ыла күн бүгүнүгэр диэри үлэлии-хамсыы сылдьабын. Үгүс Саха суруйааччыларын документальнай киинэ оҥороммун үйэтиттим" - диэн кэпсиир Евдокия Игнатьевна. Бу туһунан истиҥ-иһирэх сэһэргэһиини "Кыым" хаһыат 4-с нүөмэригэр, олунньу 6 күнүнээҕи таһаарыытыгар ааҕыҥ, сэргээҥ!

Тарҕат:

Комментарии

Защитный код Обновить