Екатерина Александрова - Ылдьаа кыыһа Кээтии

Эриэҥкэйим барахсан

Ынахчааммын көрдөөммүн
Аргыый хааман иһэбин,
Алтан оттоох хонууга
Дьиэрэҥкэйдээн ылабын.

Сыһыы-толоон аайытын
Ынах-сүөһү элбээбит,
Нүөл сирэми кэрийэн
Көҥүл күөххэ үктэммит.

Эриэҥкэйбин буламмын
Һайдыы-һайдыы хаамабын,
Сайылыкка аҕалан
Сөрүүн сиргэ баайабын.

Эриэҥкэйим ыанньыйан
Сирилэччи үүт ыатым,
Үрүлүйэр үүтүнэн
Ыаҕыйабын толордум.

Үрүҥ илгэ аһынан
Оҕолорбун аһатыам,
Сүөгэй-арыы оҥорон
Билсэр дьоммун кэһиилиэм.

Ыллыыр ырыам дьиэрэйдин
Уйгу-быйаҥ элбээтин,
Үөрүү-көтүү үксээтин
Өрөгөйбүт үрдээтин.

Бэрдьигэстээх, Горнай