Елена Григорьева

Саха ынаҕа

Саханы Саха дэппит
Сымнаҕас майгылаах,
Саадьаҕай дьүһүннээх
Сахам ынаҕа барахсан.

Сахам сирин тымныытын
Саха ынаҕа эрэ тулуйар.
Сибиэһэй тымныы салгыныттан
Сэниэ ылар төлөһүйэр.

Сыата үрдүгүнэн
Сыаналанар буоллаҕа.
Сыалаах этэ барахсан
Сэниэ биэрэр биһиэхэ.

Саҥа күүһү-күдэҕи
Сахам кэнчээри ыччатыгар
Сойуппакка күннэтэ
Сэмээр биэрэн эрдэҕэ.

Симэлийимэ-сүтүмэ
Сахам ынаҕа барахсан!
Сыллата үксүү тур
Саадьаҕай ынаҕым барахсан!

Дьокуускай куорат.