Татаринов Алексей Михайлович-Удьурҕай
-
-
Сахам ынаҕа
Бээгэй сахам ынаҕа
Сайылыкпыт мааныта,
Үрүҥ илгэ быйаҥа
Күөрчэхтииргэ хойуута,
Ийэм миэнэ сарсыарда
Ытыйара астыга —
Өбүгэбит үгэһин
Илдьэ кэлбит туоһута.
Хос ырыата
Сэмэй сахам ынаҕа
Айылҕаттан холкута,
Тымныыттан да толлубат,
Куйаастан да саллыбат
Бээгэй сахам ынаҕа.
Сахам мааны ынаҕа
Алааспытын киэргэтэр,
Сирэм күөххэ мэччийэ
Санаа хоту көччүйэр,
Атыыр оҕус бастыҥа
Айаатыыра иһиллэр,
Бостуук сайдыыр саҥата
Ой дуораанныын кыттыһар.
Өбүгэбит ынаҕа
Үйэлэри туораата,
Айылҕаттан тулуура-
Симэлийбэт туоһута,
Төрөөн-ууһаан үксүүрэ-
Эрэл кыыма үөскүүрэ,
Сахам үүттээх ынаҕа-
Кэхтибэппит туоһута.
Сэҥээриилэр