Хатас – Павловскай хайысханан өрүс суолугар тахсыбыт быһылаан кэнниттэн, үс туоннаҕа диэри уйуктаах массыыналар сырыылара сөргүтүлүннэ. Бу туһунан СӨ тыраанспар министиэристибэтин пресс-сулууспата иһитиннэрэр.
Быһылаан тахсыбыт сиригэр хас да күннээх үлэ ыытыллыбыт. Санатар буоллахха, сэтинньи 26 күнүгэр манна таһаҕаһы тиэйэр массыына муус анныгар түспүтэ. Икки киһи суорума суолламмыта, биир киһи быыһаммыта. Инньэ гынан, бу хайысханан бары массыыналарга сырыы быстах кэмҥэ сабыллыбыта.
СӨ тыраанспар министиэристибэтин хаартыската.
