СӨ премьер-миниистирин эбээһинэһин толорооччу Алексей Колодезников, брифиҥҥэ Чайыҥда балаһыанньатын туһунан иһитиннэрдэ.
Кини этэринэн, “Якутия” авиа уонна “Стройтрансгаз” хампаанньалар анал рейсэлэри оҥорор туһунан дуогабар түһэрсибиттэр. Ол курдук, Чайыҥдаҕа үлэлээбит 1800 Башкортостан олохтооҕуттан, икки күн түөрт рейсэнэн 400 киһи төннүбүт. Ону таһынан, Новосибирскай, Иркутскай, Челябинскай уонна Омскай уобаластар олохтоохторун таһаарыахтара.
Билигин бу сиргэ Роспотребнадзор, “Согаз “Профмедицина” ХЭТ, ЫБММ суһал ыстааба, 25 медик, олортон 12 киһи СӨ доруобуйа харыстабылын министиэристибэтин үлэһиттэрэ үлэлииллэр.
Ону таһынан, премьер Чайыҥдаҕа ЫБММ мобильнай госпиталлара, 125 миэстэлээх быстах кэмҥэ олордор пуун үлэлиэхтээҕин туһунан бэлиэтээтэ.
