Ил Дархан Айсен Николаев Чайыҥда балаһыанньатын туһунан иһитиннэрдэ.
““Стройтрансгаз” АО 7,5 тыһ кэриҥэ үлэһитэ иккиһин анаалыс туттарбыттара. Олортон 5 тыһ курдук анаалыс түмүгүн туттубут. 2,5 тыһ анаалыһы өссө да бэрэбиэркэлииллэр. Ол 5 тыһ анаалыстан 246 анаалыс хоруна вируһугар бигэргэннэ”, – диэн Ил Дархан эттэ.
Кини этэринэн, ыалдьыбыт дьон 95 %-на сибикитэ суох ыалдьыбыттар.
“Чайыҥдаттан “отрицательнай” анаалыстаах тыһыынчаттан тахса баахта үлэһитин таһаардыбыт. Хас күн аайы 500-кэ киһини таһаарыахпыт. 10,5 тыһ киһиттэн 8,5 тыһ киһини таһаарыахтаахпыт. Хаалбыт дьон үлэлиэхтээхтэр”, – диэн Ил Дархан Айсен Николаев эттэ.
