Войти

Войти

Ил Дархан Айсен Николаев судаарыстыбаннай наҕараадалары туттарар туһунан саҥа ыйааҕа таҕыста.

"Саха Өрөспүүбүлүкэтин норуодунай артыыһа" үрдүк ааты А.С.Пушкин аатынан Нуучча академическэй тыйаатырын артыыһыгар Келле-Пелле Вера Григорьевнаҕа, "Саха Өрөспүүбүлүкэтин норуодунай суруйааччыта" ааты Саха сирин Духуобунаска Академиятын "Литерра" электроннай сурунаалын сүрүн эрэдээктэригэр, Ойуунускай аатынан судаарыстыбаннай бириэмийэ лауреатыгар, СӨ Култууратын үтүөлээх үлэһитигэр Владимир Николаевич Федоровка иҥэрдилэр.

Маны таһынан, "СӨ Үтүөлээх бырааһа" — Федор Борисович Анисимов, "СӨ Ускуустубатын үтүөлээх деятелэ" — Сардаана Симоновна Федотова, "СӨ Доруобуйа харыстабылын үтүөлээх үлэһитэ" — Күннэ Николаевна Назарова, "СӨ Култууратын үтүөлээх үлэһитэ" — Юрий Алексеевич Васильев, "СӨ Норуот хаһаайыстыбатын үтүөлээх үлэһитэ" — спикер Петр Васильевич Гоголев, ЛОРП толорооччу дириэктэрэ Емельянов Сергей Витальевич, Арктика миниистирэ Владимир Николаевич Черноградскай, Кэбээйиттэн үлэ бэтэрээнэ Дмитрий Иванович Николаев, АГиП ис бэлиитикэтин департаменын салайааччы Михаил Эдуардович Слепцов буоллулар.

"СӨ Үөрэҕириитин үтүөлээх үлэһитэ" үрдүк аакка  Петр Петрович Местников (Депутатскай оскуолата), Альбина Михайловна Николаева (Сунтаар үөрэҕириитин үлэһитэ) тигистилэр. Оттон "СӨ Айылҕа харыстабылын үтүөлээх үлэһитэ" — Виктор Рюрикович Семенов буолла. "СӨ Көлөҕө үтүөлээх үлэһитэ" — Александр Николаевич Васильев (Үөһээ Бүлүү), "СӨ Үтүөлээх учуутала" — Людмила Николаевна Гаврильева (УОР), Вера Гавриловна Дьчкова (Аллараа Халыма) буоллулар. Оттон "СӨ Үтүөлээх юриһа" үрдүк аат Ил Түмэн аппараатын начаалынньыга Татьяна Валерьевна Павлова ылла. 

 

Тарҕат:

Добавить комментарий