От ыйыгар Уус Алдан Сыырдааҕар сүөһү сүһүрэн өлүүтэ бэлиэтэммит. Ветеринарнай сулууспа лабораторията сүөһү аһыы оттон (Вех ядовитый, лат. Cicutavirosa) сүһүрбүт буолуон сөп диэн сабаҕалаабыт. Мэччирэҥҥэ ити сүлүһүннээх үүнээйи баара бигэргэммит. Бу туһунан ветеринария департамена иһитиннэрэр.
Бу дьааттаах үүнээйи ордук силиһэ сүлүһүнээх, кураан дьылга хото үүнэр. Үүнээйи моркуоп курдук сыттаах, амтанынан редька эбэтэр брюква курдук оҕуруот астарыгар маарынныыр. Биир ынаҕы өлөрөргө 100-200 гр. үүнээйи сөп буолар. Бу үүнээйи сиэмэтиттэн цикутнай арыыны оҥороллор. Бу дьааттаах үүнээйини нэһилиэктэр бэйэлэрэ тахсан үргээтэхтэринэ эрэ сүөһүнү быыһыахха сөп, Сыырдаах ветринарнай учаастага нэһилиэнньэҕэ бу туһунан сэрэтиини оҥорбут.
