Доруобуйа харыстабылын миниистирэ Елена Борисова атын үлэҕэ көһөрүнэн дуоһунаһын босхолообут. Кини оннутугар миниистир эбээһинэһин толорооччунан өрөспүүбүлүкэтээҕи онко диспансер кылаабынай бырааһа Лена Афанасьева анаммыт. Елена Афраимовна Мииринэй улууһун кытары сибээстээх үлэҕэ көһөрүн туһунан Ил Түмэҥҥэ иһитиннэрдилэр. Кини пленарнай мунньахха миниистиэристибэ үлэтин отчуоттаата.
Лена Николаевна онкодиспансеры салайыаҕыттан бэрт сэргэх уларыйыылар, сайдыы барбыта. Онкодиспансер саҥа дьиэҕэ көспүтэ, инньэ гынан эпэрээссийэни оҥорор кыах улааппыта. Лабаратыарыйа, оперблок бөдөҥсүтүллүбүт, саҥа тэрил бөҕө ылыллыбыт, торокальнай абдоминальнай хирургия салаата аһыллыбыт, куойка улааппыт.
Лена Афанасьевна сүрүн үлэтин таһынан науканан утумнаахтык дьарыктанар, мэдиссиинэ билимин кандидата, 35 научнай ыстатыйа ааптара, 3 методическэй босуобуйаны оҥорбут. Уопсастыбаннай үлэннэн көхтөөхтүк дьарыктанар.
Кини 1968 сыллаахха, сэтинньи 30 күнүгэр Дьокуускайга төрөөбүт. СГУ Мэдиссиинэ институтун 1992 с. бүтэрбит. 1993 с. Мииринэйгэ "Акушерство уонна гинекология" интернатураны бүтэрбит. Ол кэннэ 1996 с. Москубаҕа "онкология" клиническэй ординатуратын бүтэрбит. 2004 с. Блохин киинигэр кандидатскай диссертациятын көмүскээбит. Онкодиспансеры 2017 сылтан ыла салайар. Икки оҕолоох, кэргэннээх.
Сэҥээриилэр
Уопсастыбаннай үлэНэн көхтөөхтүк дьарыктанар диэн буолуохтаах.
Инстаграмҥа наһаа сыыһалаах суруйаҕыт. КиҺи да сонньуйар.