Киир

Киир

Ил Дархан Айсен Николаев Ньурба улууһун Антоновка нэһилиэгэр сылдьан, тутулла турар успуорт комплексын көрдө-иһиттэ.

Олохтоохтор саамай күүппүт эбийиэктэрэ бу сыл кулун тутар ыйтан тутуллан саҕаламмыт. Икки мэндиэмэннээх, 1471 кв м иэннээх дьиэ федеральнай, өрөспүүбүлүкэтээҕи уонна муниципальнай бүддьүөттэн үбүлэммит. Тутуу 122 мөл солк сыаналанар. Сүрүн бэдэрээтчит “ПСФ-Батсстрой” ХЭТ буолар.

Ньурба улууһун баһылыгын тутууга уонна ОДьКХ солбуйааччы Макар Семенов иһитиннэрбитинэн, билигин вентиляция шахталара, ис бараанын үлэтэ, уот киллэриитэ, таһынааҕы сирин оҥоруу үлэтэ хаалбыт. Улуус баһылыга Алексей Иннокентьев саҥа комплекска “Алроса” хампаанньа өйөөһүнүнэн, аан бастаан хапсаҕайга күрэстэһии ыытылларын кэпсээтэ.

Айсен Сергеевич тутуу үлэтин улахан аҥара бүппүтүн бэлиэтээтэ уонна бу сыл түмүктэниэр диэри бүтэрэр туһунан сорудахтаата. Муниципальнай тэриллии дьаһалтата ахсынньы 20 күнүгэр диэри түмүктүүр туһунан эрэннэрдилэр.

Саҥа комплекс “Демография” национальнай бырайыак чэрчитинэн “Успуорт – олох нуормата” федеральнай бырагыраамманан олоххо киирэр. Бу бырагыраамма көмөтүнэн Жатайга бассейн уонна Аллараа Бэстээххэ успуорт саалалаах бассейн тутуллуохтаахтар. Бу туһунан СӨ бырабыыталыстыбатын пресс-сулууспата иһитиннэрэр.

ysia.ru/

Тарҕат:

Санааҕын суруй