Киир

Киир

Дьокуускайга, бэс ыйын 23 күнүгэр, «Эллэй Боотур» муус дыбарыаһыгар, «Азия оҕолоро» Норуоттар икки ардыларынааҕы кэмитиэтин ыстаап-кыбартыыратын үөрүүлээх аһыллыыта буолла.

СӨ Ил Дархана Айсен Николаев өйөбүлүнэн, бүгүн «Азия оҕолоро» Норуоттар икки ардыларынааҕы кэмитиэтин ыстаап-кыбартыырата баар буолла. Ыстаап 9 кабинеттаах уонна «Азия оҕолоро» Норуоттар икки ардыларынааҕы успуорт оонньууларын устуоруйатыгар анаммыт түмэллээх. Уопсай иэнэ – 350 кв. миэтэрэттэн тахса.

7351d0d4 5a1b 4cde 80f9 5f003d854a6a

Саха сирин Ил Дархана Айсен Николаев «Азия оҕолоро» Норуоттар икки ардыларынааҕы оонньуулар бэрэсидьиэнин Владимир Максимовы Дьокуускайга ыстаап-кыбартыыра аһыллыбытынан эҕэрдэлээтэ.   

«Билигин «Азия оҕолоро» норуоттар икки ардыларынааҕы оонньуулар кэмитиэтэ Дьокуускайга туспа дьиэлэннэ. Бу үтүө түгэнинэн эһигини эҕэрдэлиибин», - диэн Айсен Николаев этэр.

92d56524 b186 4678 b9de d69f04934373

Үөрүүлээх аһыллыы тэрээһинигэр Азия Олимпийскэй сүбэтин толорооччу кэмитиэтин чилиэнэ Азат Мурадов, Арассыыйа Олимпийскэй кэмитиэтин аппараатын салайааччыта Родион Плитухин, СӨ Физическэй култуураҕа уонна успуорка миниистирэ, «Азия оҕолоро» 1996 с. бастакы оонньууларын кыайыылааҕа Леонид Спиридонов кытыннылар.

0e154069 d3b6 4225 9e69 deb8b44d4083

Санатар буоллахха, «Азия оҕолоро» Норуоттар икки ардыларынааҕы кэмитиэтэ Азия Олимпийскэй сүбэтин бэрэсидьиэнэ, шейх Ахмад Аль-Фахад Аль-Сабах көҕүлээһининэн, 2012 с. сэтинньи 8 күнүгэр, Макао куоракка 31-с Азия Олимпийскэй сүбэтин Генеральнай ассамблеятын чэрчитинэн тэриллибитэ.

Тэрийээччилэринэн шейх Ахмад Аль-Фахад Аль-Сабах бэрэсидьиэннээх Азия Олимпийскэй сүбэтэ, Александр Жуков бэрэсидьиэннээх Арассыыйа Олимпийскэй кэмитиэтэ уонна Дмитрий Глушко вице-бэрэсидьиэннээх Саха Өрөспүүбүлүкэтэ буолбуттара.  

 «Азия оҕолоро» Норуоттар икки ардыларынааҕы кэмитиэтин сүрүн соруга – оҕо, үүнэр көлүөнэ успуордун сайыннарыы уонна өрө таһаарыы нөҥүө үтүөҕэ, үчүгэйгэ талаһыы.

6828c523 3266 49d1 8d29 4b4eaf06aaced97c43c6 bdde 4e58 a8be f3ffba686a0ede9a3715 c139 499b 8d03 fb475b3caee8deaa6fed db4d 4cea a0ff 2a9a55f88671

СӨ Ил Дарханын уонна Бырабыыталыстыбатын пресс-сулууспата 

Тарҕат:

Санааҕын суруй