СӨ култуураҕа уонна духуобунай сайдыыга министиэристибэтэ, "Норуот айымньытын уонна социальнай-культурнай технологияларын өрөспүүбүлүкэтээҕи Дьиэтэ" СӨ Автономнай тэрилтэтэ этнокултуурунай кииннэр ортолоругар тэрийэн ыыппыт өрөспүүбүлүкэтээҕи көрүү куонкуруһугар «Маранга» этнокултуурунай киин кыайыылаах үрдүк аатын ситистэ.
Куонкурус кэтэхтэн ыытылынна. Дьүүллүүр сүбэ кыайыылааҕы таларыгар этнокултуурунай кииннэр истэринэн тэриллибит уус-уран кэлэктииптэр норуоттар икки ардыларынааҕы, бүтүн Арассыыйатааҕы уонна эрэгийиэннээҕи, өрөспүүбүлүкэтээҕи фестивалларга, куонкурустарга көхтөрүн уонна кыттыыларын, холобур буолар уопуту көрдөрөр, дьон биһирэбилин ылбыт методическай уонна культурнай-досуговой үлэни тэрийиини уонна саҥа формалары оҥорууну, сырдатар-иһитиннэрэр ситимнэри кытта көхтөөх үлэни тэҥэ кинилэр ыытар үлэлэрин сырдатыыны, үлэ көдьүүһүн уо.д.а. критерийдэринэн сыаналаата.
Идэтийбит дьүүллүүр сүбэ тэрилтэлэртэн ирдэнэр куонкурус бырагырааматын көрөн баран, «Маранга» этнокултуурунай киини, дириэктэр Розалия Макарова кыайыылааҕынан биллэрдэ уонна салгыы Хоту, Сибиир уонна Арассыыйа Федерациятын Уһук Илиҥҥи этнокултуурунай кииннэрин эрэгийиэннэр икки ардыларынааҕы көрүү куонкуруһугар кыттыыны ыларыгар быраабы биэрдэ.
Бытантайуоттара.рф саайтан
Кустуурдааҕы «Маранга» этнокултуурунай киин үлэтэ бастыҥынан сыаналанна
